Կորոնավիրուսյան ցավով վարակվածների թիվը Հայաստանում գնալով աճում է։ ՀՀ առողջապահության նախարարությունը հայտնում է, որ արդեն իսկ վարակված է 266 հոգի։ Այս պահին քննարկվում է կորոնավիրուսյան վարակի շուրջ մի շարք հարցեր, ինչպես նաև նոր հիվանդանոցների՝ կորոնավիրուսյան պայմաններին հարմարեցման ու բժիշկների մոբիլիզացման։
Սա նշանակում է՝ ամեն ինչ ուղղված է Հայաստանում կորոնավիրուսյան աղետը հաղթահարելու ու բնականոն կյանքին վերադառնալու համար։
Հենց դրա համար էլ այսօրվանից Հայաստանում գործում է արտակարգ իրավիճակ, այսինքն անգամ խանութ, դեղատուն գնալու համար պետք է հատուկ թուղթ լրացնել ու միմիայն թղթի առկայությամբ դուրս գալ տնից՝ խստորեն պահպանելով ինքնամեկուսացման ռեժիմը։
Այս պարագայում անչափ կարևոր է գիտակցությունը, որ ինքնամեկուսացումը կարող է շտկել իրավիճակն ու փաստն այն է, որ միակ ելքն այս իրավիճակում դա է։ Եթե բոլորը գիտակցաբար մոտենան, ինքնամեկուսանան և չվտանգեն մյուսների առողջությունը, ամեն ինչ շուտափույթ կկարգավորվի։
