Հիմա ամենից պահանջված միջոցը, թերևս, ախտահանող միջոցներն են: Բացի այն, որ քաղաքային բակերում, շքամուտքերում և փողոցներում իրականացվում են մքրիչ, ախտահանող միջոցառումներ, ախտահանող նյութեր են տեղադրվել նաև քաղաքային վերելակներում, կանգառներում և այլ հասարակական վայրերում:
Դեռ երեկ քաղաքապետ Հայկ Մարությանը տեսաուղերձով նույնպես դիմել է համաքաղաքացիներին՝ խնդրելով և հորդորելով, որ խստագույնս պահեն հիգիենիկ կանոնները և սոցիալական անհրաժեշտ հեռավորությունը:
Այժմ ամենից շատ կարևորվում է սոցիալական պատասխանատվության զգացումը և այն հեռավորությունը, որը պետք է՝ միմյանց հնարավոր վարակը չփոխանցելու համար:
Քաղաքում մի շարք միջոցառումներ են իրականացվում, որոնք ունեն տարբեր բնույթներ, բայց նպատակը մեկն է՝ հնարավորինս կանխարգելել նոր վիրուսի տարածումը: Տարվում են իրազեկման միջոցառումներ, իրազեկող պաստառներ:
Ամենից նշանակալի միջոցառումը, թերևս, հասարակական վայրերում ախտահանող նյութերի, ալկոգելի տեղադրումն է: Կանգառներում հայտնվել են ալկոգելի սրվակներ, որոնք վրա կոչ է արվում պահել հիգիենայի կանոնները: Նման սրվակներ կարելի է հանդիպել շատ կանգառներում: