Հայաստանում կորոնավիրուսյան առաջին դեպքն է հայտնաբերվել՝ երեխայի մոտ։ Էջմիածնի 4-րդ դպրոցի աշակերտներից մեկի մոտ հայտնաբերվել է վարակը, ինչի պատճառով դպրոցից 65 հոգի մեկուսացվել է։ Երեխայի դասարանցիները, հինգ ուսուցիչ, նաև յուրաքանչյուր երեխայից մեկ ծնող և ընտանիքի մյուս երեխաները։ Չորս ծնող հրաժարվել է մեկուսացնել իրենց երեխաներին։
Կրկին ու կրկին խոսքը գնում է հայտնի նշանադրության մասնակցի մասին։ Վարակված աղջիկը եղել է հյուրերի թվում, ապա հաջորդ երկու օրը՝ երկուշաբթի և երեքշաբթի, դպրոց է հաճախել։
Նրա կողքի նստող աշակերտն ավելի վաղ էր մեկուսացվել, նրան թեստավորել են, և թեստը բացասական է եղել։ Այսօր մեկուսացվել են նաև աղջնակի շփման մեջ գտնվող հավանական մարդիկ։
Զավեշտալին այն է, որ դասարանում երկու հոգի ջրծաղիկով են հիվանդ եղել և չեն հաճախել դպրոց՝ այդկերպ իրենց վնասազերծելով կորոնավիրուսով վարակվելու հավանականությունից։ Այս կարևորագույն իրադարձությանը հետևում են բոլոր գերատեսչությունները՝ վերահսկելով իրավիճակը։
