Արցախյան պատերազմի «Անահիտ» ջոկատի միակ կին հրամանատար Անահիտ Մարտիրոսյանի ծննդյան օրն է

Անահիտն անցել է կյանքի դժվարին, բայց և փառունակ ճանապարհ: Դեռ տակավին երիտասարդ կինն իր մանկահասակ երեխաների ներկայությամբ ականատես է լինում ադրբեջանցիների կողմից սիրելի ամուսնուն թրատելուն:

Այդ ճակատագրական դեպքն էլ պատճառ է դառնում, որ Անահիտն անվերադարձ նվիրվի զինվորական ծառայությանն ու հայրենիքի պաշտպանությանը: Նա իր կամքով և ուժով հասնում է այնպիսի մեծ վստահության, որ դառնում է նույնիսկ զինվորական ջոկատի հրամանատար:

Անահիտի անմիջական մասնակցությամբ բազմաթիվ արցախյան հողեր են ժամանակին ազատագրվել: Նրա կանացի, բայց համարձակ ներկայությունը մշտապես ոգևորել և առաջ է մղել բոլոր զինվորներին: Նրանք հաճախ են մեծ ավարով վերադարձել մարտական գործողություններից, և դրանում մեծ է եղել նաև Անահիտի դերը:


Անահիտը հայկական հողերը հետ վերադարձնելու անխախտ սկզբունք ուներ. նրան միայն ամուսնու վրեժը չէր առաջնորդում: Այժմ նրա մասին բազմաթիվ հերոսական լեգենդանման պատմություներ են պտտվում ժողովրդական շրջանակներում: Անահիտը հայ կնոջ անկոտրում ոգու կենդանի խորհրդանիշն է:

Рейтинг
( Пока оценок нет )
Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: