Նրբադեմ Աթենա Մանուկյանը կներկայացնի Հայաստանը «Եվրատեսիլում»: Րոպեներ առաջ տեղի է ունեցել Աթենայի «Chains On You» երգի տեսահոլովակի պրեմիերան, որն արդեն հասցրել է համացանցը պայթեցնել: Միայն պետք է լսել այս գեղեցկուհու կատարումը:
Աթենան հիանալի կերպով ներկայացավ փետրվարի տասնհինգյան մրցույթում: Աղջիկը նրբաոճ գեղեցկուհի է, որը Հայաստան է ժամանել իր ծննդավայր Աթենքից: Աթենան Հայաստանը շատ է հավանել, ասել է, որ ամենաշատն այստեղ նրան հայկական խոհանոցն է դուր եկել:
Վերջերս գեղեցկուհին շատ հարցազրույցներ է ունենում, դրանցից մեկում նշել է, որ անգամ եթե «Եվրատեսիլ» մրցույթում որևէ տեղ չգրավի մեկ է գալու է Հայաստան՝ այստեղ բնակություն հաստատելու և իր ուժերը փորձելու հայկական շոուբիզնեսում: Գեղեցկուհին ընդամենը 25 տարեկան է, բայց երաժշտության ասպարեզում մեծ փորձ ունի:
Աթենան հաճախ է նշում, որ անպայման ուզում է հայկական երգ ունենալ իր երգացանկում: Գեղեցկուհին կարողացել է տարբեր մրցույթներում ունեցած իր ելույթներից հետո սիրվել հանդիսատեսի կողմից, ինչպես և Հայաստանում:
