ՀՀ վարչապետ Նիկոլ Փաշինյանը, որը շաբաթվա սկզբից արձակուրդ էր գնացել, վերադառնում է աշխատանքի՝ ընդհատելով այն։ Փաշինյանը նման լարված պահին ցանկանում է լինել իրադարձությունների էպիկենտրոնում, ժողովրդի ու կարևորագույն կառույցների կողքին։
Հրատապ հրավիրված ուղիղ եթերի ընթացքում Փաշինյանը հայտարարել է՝ վաղը փակ կլինեն բոլոր ուսումնական հաստատությունները, իսկ թե քանի օրով, ավելի ուշ կասվի։
Ողջ խնդիրն այն է, որ այսօր հայտարարվել կորոնավիրուսյան վարակով տառապող ևս երկու դեպքի մասին։ Այդ մարդիկ հայտնաբերվել են մեկուսացվածների թվից, այսինքն շատ կարևոր բան է արել մեր հրաշք պետությունը՝ մտածելով բոլորիս մասին ու մեկուսացրել է այդ կասկածելի մարդկանց։
Հիշեցնենք՝ երեկ էլ ևս երեք դեպքի մասին էր հայտարարվել։ Իսկ ինչ է սա նշանակում։ Ստացվում է․ կորոնավիրուսյան տենդով արդեն վեց հոգի կա մեր երկրում։ Սա վտանգավոր ու վատ լուր է։ Հուսանք՝ դեպքը տարածում չի գտնի։
