Համացանցում հասանելի է նոր սիրառատ կատարում, որն այս քիչ ժամանակահատվածում հասցրել է երկրպագուների կողմից արժանանալ մեծ գնահատանքի և ունենալ սպասվածից էլ ավելի մեծ արձագանք: Երգի հեղինակն է Գուսան Աշոտը, իսկ այս հիասքանչ կատարումը մեր դատին է հանձնել բոլորի կողմից սիրված և ճանաչված, ամենահրապուրիչ, ամենաժողովրդական երգիչ Սևակ Ամրոյանը, որն իր ձայնային խաղիկներով անգամ կհալեցնի հազարավոր սառցե սրտեր։
Երգը ինքնին աշխարհում երկու ամենաանկոտրում և անմոռանալի զգացողությունների՝ սիրո և կարոտի հանգուցալուծման պատկեր է կարծես: Սևակն ասում է․ «Հերիք է թողնես մենության գրկում՝ տխուր ու տրտում»։
Եվ վերջում նշում․ «Անջիգյար, անջիգյար (ինչպես և մակագրել է կատարումը) արի տեսնեմ սիրահարված եմ: Խոցված սիրտս տար, կարոտս առնեմ, քեզնով տարված եմ, քեզնով տարված եմ…»: Տեսահոլովակում նկարահանվել է հենց ինքը՝ Սևակը: Նրա ներկայությունը տեսահոլովակն ավելի հետաքրքիր է դարձրել:
Նկարահանված է Հանրապետության հրապարակում նաև մայրաքաղաքի ամենագեղեցիկ վայրերից մեկում՝ Կասկադում, որտեղից երևում է երևանյան հմայիչ գեղեցկությունը, ինչն էլ ավելի սքանչացելի է դարձնում հեզանվագ կատարումը: Դատելով բուռն արձագանքներից՝ կարելի է ասել, որ այս կատարումը սպասված էր և ստացված։
