Համացանցում հասանելի է Կարեն Ասլանյանի և Դիանա Մխիթարյանի նոր դուետային կատարումը: Կարեն Ասլանյանն այն հրապարակել է ընդամենը ժամեր առաջ, և երգն արդեն մեծ ընդունելության ու լայն արձագանքների է արժանացել երկրպագուների կողմից:
Այն շատ կարճ ժամանակահատվածում բազմաթիվ դիտումներ, հավանումներ ու մեկնաբանություններ է ստացել, որոնք վկայում են արտիստների շուրջ ստեղծված մեշ հետաքրքրության շրջանակի մասին:
Երգը սիրո, սիրախաղի մասին է: Երգի խոսքերի ու երաժշտության հեղինակը հենց Կարեն Ասլանյանն է, իսկ ռեժիսորը Տիգրան Ավետիսյանը: Տեսահոլովակն ավելի շատ հումորային է և զվարճալի, իսկ ավարտը դրական:
Հեռուստասերիալներից հայտնի այս դերասանական զույգը դեռևս դուետով հանդես չէր եկել: Դատելով բուռն արձագանքներից՝ նրանց դուետը սպասված էր և միանգամից սիրվեց:
Տեսահոլովակում նկարահանվել են նաև հայտնի հեռուստասերիալից այլ ճանաչված ու սիրված դերասաններ: Նրանց ներկայությունը տեսահոլովակն ավելի հետաքրքիր է դարձնում:
Երկրպագուները մեկնաբանություններում գնահատել են տեսահոլովակի և երգի վրա կատարված աշխատանքը:
