Մոնիկա Բելուչչիին հիրավի կարելի է համարել ոճի իկոնա և կանացիության խորհրդանիշ։ Իտալացի գեղեցկուհու ինստագրամյան էջին, օրինակ, մոտ երեք միլիոն մարդ է հետևում, ու դա իզուր չէ։
Մի քանի տասնամյակ շարունակ դերասանուհին իր յուրովի ոճն է ստեղծել, որը սիրվել է շատերի կողմից։
Մոնիկայի առաջին մոդելային լուսանկարներն ի հայտ են եկել դեռևս 1977-ին։ Անցել է ավելի քան 40 տարի, բայց իտալուհու դերը նորաձևության աշխարհում չի նվազել։
Վերջերս լույս է տեսել «L’Officiel Italia» ամսագիրը, որի շապիկը զարդարել է Բելուչչին։ «L’Officiel»-ը ներկայումս գործող ամենահին ֆրանսիական պարբերականն է։
Նկարահանումներին Մոնիկան կրում էր LANVIN-ի հագուստը՝ կարճ զգեստ-պիջակը՝ լայն թևերով և մեծ կոճակներով։ Անձրևային Փարիզի ֆոնին Մոնիկան այդ զգեստով առավել հմայիչ տեսք ունի։
Շարքը լուսանկարել է Պատրիկ Վան Մալդերը, ում հետ Մոնիկան երկար տարիներ համագործակցում է։
