Հայտնի երգչուհի էպատաժի թագուհի 33-ամյա Լեդի Գագան հայտնել է նոր ընտրյալի մասին։ Նա հաստատել է, որ սիրավեպ ունի Մայքլ Պոլանսկիի հետ՝ ինստագրամյան էջում համատեղ լուսանկար հրապարակելով։ Մայքլ Պոլանսկին «Parker Group» ընկերության գլխավոր տնօրենն է, գործարար ու բարերար է։
«Հիանալի ժամանակ անցկացրեցինք Մայամիում։ Սիրում եմ ձեզ իմ փոքրիկ մոնստրներ ու երկրպագուներ, դուք լավագույնն եք»,- դիմել է երգչուհին երկրպագուներին։
ք՝
Հիշեցնենք՝ նախորդ հանգստյան օրերին սիրահար զույգը միասին ներկայացել է հանրությանը․ շաբաթ օրը Պոլանսկին սիրելիին աջակցել Super Bowl-ի գավաթին ընդառաջ տեղի ունեցած համերգին, իսկ կիրակի օրը նրանք միասին ներկայացել են խաղը դիտելու։
Տեղեկությունների համաձայն՝ Լեդի Գագան և Մայքլ Պոլանսկին միասին են մոտ երկու ամիս։ Նրանք ծանոթացել են ընդհանուր ընկերոջ՝ Շոն Փարքերի միջոցով, որի հետ Պալոնսկին աշխատում է։
Երգչուհու շրջապատը նրա ընտրյալին լուրջ ու խելացի մարդ է անվանում․ Պոլանսկին ավարտել է Հարվարդի համալսարանը և զբաղվում է գործարարությամբ ու ներդրումներով։
