Դեռևս հինգ տարի առաջ աշխարհի ամենահարուստ մարդու՝ Բիլլ Գեյթսի դստեր մասին ոչինչ հայտնի չէր․ հայրն ամեն կերպ թաքցնում էր դստերը հանրությունից։ Բայց հետո Ջենիֆերը չափահաս է դարձել և սկսել է ինստագրամյան էջ վարել, որտեղ տեղադրում էր սիրելի զբաղմունքի՝ ձիասպորտի մրցումներից լուսանկարներ։
Ջենիֆերը Սթենդֆորդի համալսարանի կենսաբանական ֆակուլտետի ուսանողուհի է։ Որոշ ժամանակ անց նա սկսել է սիրելիի՝ եգիպտացի հեծյալ Նաիլ Նասարի հետ լուսանկարներ հրապարակել։
Զույգը չի թաքցրել զգացմունքները՝ աջակցելով միմիանց մրցումների ժամանակ։
Երեկ Ջենիֆերը ինստագրամյան իր էջում հայտարարել է նշանադրության մասին։ «Նաիլ Նասար, դու յուրահատուկ էս։ Անցած հանգստյան օրերին դու ինձ հիացրիր առաջարկություն անելով աշխարհի լավագույն վայրում։
Ես ցանկանում եմ ողջ կյանքս անցկացնել քեզ հետ սովորելով, զարգանալով, ծիծաղելով և սիրելով։ Քեզ միլիոն անգամ ասում եմ՝ «Այո»,- գրել Ջենիֆերը։
Ամենայն հավանականությամբ, Բիլլը կողմ է դստեր ընտրությանը։ Նաիլը հիանալի դաստիարակված է, ավարտել է Սթենդֆորդի տնտեսագիտական ֆակուլտետը։