Դերասան Արմեն Ջիգարխանյանի կինը` Տատյանա Վալասովան, նրա մոտ է վերադարձել մի քանի տարվա բաժանությունից հետո: Նախկին ամուսինները կարողացել են մոռանալ հին խնդիրները և միասին ժամանակ անցկացնել: Սակայն իրավիճակը բարդարացել է, քանի որ Ջիգարխանյանի առողջությունը վատացել է:
Արմեն Ջիգարխանյանի և Տատյանա Վլասովայի սկանդալային ամուսնալուծության մասին ԶԼՄ-ներն անդադար գրում էին։ Նշվում է, որ հայտնի դերասանն ու ռեժիսորը սիրավեպ է սկսել երիտասարդ դաշնակահարուհի Վիտալինա Ցիմբոլյուկ-Ռոմանովսկայայի հետ, և ամուսնացել է նրա հետ:
Ցիմբոլյուկ-Ռոմանովսվկայայի հետ ամուսնությունը երկար չի տևել, և բանը հասել է նրան, որ Արմեն Բորիսովիչը հոսպիտալացվել է՝ առողջության վատթարացման պատճառով: Չնայած բոլոր հիասթափություններին ու վիրավորանքներին՝ Տատյանա Վլասովան կարողացել է ներել ամուսնուն և փորձել է նրա հետ բարելավել հարաբերությունները: Երբ Ջիգարխանյանի առողջությունը շատ է վատացել, նա ԱՄՆ-ից վերադարձել է Ռուսաստան՝ նախկին ամուսնուն մոտ լինելու համար։ Իսկ նոր տարուց առաջ զույգը վերամիավորվել է և միասին անցկացրել տոները:
«Արմենը երբեք չի բողոքել ինքնազգացողությունից, բայց հիմա նրա բնավորությունը փոխվել է։ 2 օր առաջ նա ինձ սեր խոստովանեց՝ ասաց․ «Ես քեզ սիրում եմ»։ Չգիտեի, թե ինչպես արձագանքեի։ Մի՞թե պետք էր այսքան տարի ապրել միասին, այսքան հիասթափությունների և վիրավորանքների միջով անցնել, որպեսզի հասկանալ դա»,- նշել է Վլասովան:
