Հայտնի երգիչ Ռաֆայել Մելքոնյանը նոր տեսահոլովակ է ներկայացրել՝ «Սուրբ մկրտություն»։ Երաժտության հեղինակը Ռիչարդ Մադլենյանն է, խոսքերինը՝ Ռաֆայել Մելքոնյանը և Նարեկ Ստամբոլցյանը, գործիքավորումը՝ Գուրո Գասպարյանի։ Հրաշք տեսահոլովակում հիանալի կերպով ներկայացված է մկրտության սուրբ արարողությունը։
Երկրպագուները հավանել են այն․ «Թող Աստծո լույսն ու օրհնությունն ուղեկից լինի բոլորին», «Գեղեցիկ տեսահոլովակ, հիանալի կատարում։ Ինչպես միշտ տարբերող և օրիգինալ։ Շնորհավոր Ռաֆ ջան, նաև շնորհավոր բոլոր այն մարդկանց, ովքեր իրենց մասնակցությունն են ունեցել այս տեսահոլովակի ստեղծման գործում», «Հիանալի երգ է»,
«Մինչ օրս նման թեմատիկ ու զգացմունքային երգ չէի լսել։ Հերթական անգամ զարմացրեցիր ոճային փոփոխությամբ և, իհարկե, կատարումով։ Աստված քեզ միշտ օգնական լինի, Ռաֆ ջան», «Հիասքանչ էր։ Հրեշտակների խաղն էլ ուղղակի լրացում ողջ իմաստի»,
«Ռաֆ ջան, շնորհավորում եմ։ Թող քեզ լիքը հաջողություն բերի», «Գերազանց աշխատանք, Ռաֆ ջան», «Շնորհավորում եմ Ռաֆ ջաննն… Հայ քրիստոնյային վայել բառեր, անկրկնելի կատարում, հոյակապ տեսահոլովակ՝ հրեշտակների մասնակցությամբ..․ Թող Աստծո օրհնությունն ուղեկից լինի բոլոր-բոլորին», «Շատ լավ նորություն երգ է։ Շնորհավորում եմ, Ռաֆայել ջան։ Բոլորիս դուր եկավ անչափ»։
