Հիասքանչ լուր՝ բոլոր գազասպառողների համար։ Այդքան սպասված փոփոխությունը կատարված է․ գազը չի թանկանա։ Գործող պայմանագրին կից կնքվել համաձայնագիր, ըստ որի գինը նույնը կմնա։
Նշենք՝ ռուսական գազի պայմանագիրը գործում է մինչև 2020-ի ավարտը։ Այս պահին 1000 խորան․ մետր գազը գնվում է 165 դոլարով։ Մեզ այն վաճառվում է մեկ խորան․ մետրը 139 դրամով, իսկ սոցիալապես անապահովներին՝ 80 դրամով՝ մինչև 600 խորան․ մետր ծավալը։
Ինչ խոսք՝ հիանալի նորություն է այս տոնական օրերի համար՝ գիտակցել, որ գազը չի թանկանալու ու ամեն ինչ կընթանա առաջվա պես։ Մեր կառավարությունն ամեն ինչ արեց՝ մեր մասին հոգ տանելով և համաձայնագիր կնքեց՝ գազը չթանկացնելու համար։
Սա նշանակում է՝ ևս մեկ տարի կվճարենք նույն գինը՝ չմտածելով կոմունալի բարձր գնի մասին։ Հիանալի է, այսպիսի լավ նորություն, կարելի է ասել, երբեք չենք ունեցել։
