Այս կարամելն ուղղակի պետք է պատրաստել ու փորձել։ Իդեալական է նրբաբլիթների, դոնաթների, պաղպաղակի, տորթերի ու աղանդերների համար։ Կարելի է պատրաստել ինչպես աղով, այնպես էլ քաղցր։ Աղն օգնում է մեղմացնել քաղցրությունը և համն է փոխում։
Անհրաժեշտ է
Շաքարավազ՝ 125 գ
Սերուցք 33%-ոց՝ 125 գ
Սերուցքային կարագ՝ 30 գ
Աղ (ըստ ցանկության)՝ 1/2 թ/գ
Ինչպես պատրաստել այս հրաշք կարամելը
Շաքարավազը կաթսայի մեջ հալեցնել միջին կրակի վրա։ Չխառնել՝ մինչ չերևա, որ ներքևի շերտը հալչել է։ Բահիկով խառնել՝ հետևելով, որ չվառվի։ Կարելի է թուլացնել կրակը։ Առանձին տաքացնել սերուցքը։ Այն չպետք է եռա, բայց պետք է տաք լինի։ Որքան քիչ է սերուցքի և շաքարավազի միջև ջերմաստիճանի տարբերությունը, այդքան ավելի թույլ կբլբլթա հալչելու ընթացքում։
Սերուցքը ներմուծել կարամելի մեջ՝ անընդհատ խառնելով՝ մինչ միասեռ լինի։ Կարամելի խտությունը կարելի է կարգավորել կա՛մ եփելու տևողությամբ, կա՛մ սերուցքի քանակով․ որքան շատ է սերուցքը, այդքան ջրիկ է կարամելը։ Ներմուծել կարագը և աղ անել՝ ըստ ցանկության։
