Ամանորյա հայտնի հիթերը տոնական օրերի անբաժան մասն են: Հայտնի երգչուհի 49-ամյա Մըրայա Քերրին՝ իր «All I Want for Christmas Is You» երգով հայտնի է գրեթե բոլորին։ Այսօր համացանցում է հայտնվել այդ հիթի նոր տեսահոլովակը:
Պրեմիերան կապված է ալբոմի 25-ամյակի հետ, որտեղ առաջին անգամ զետեղվել է երգը: Ի դեպ, մինչ «Billboard Hot 100» այս երգը հասել է միայն այս տարի, այսինքն այն 25 տարի թոփ-ում է եղել, բայց գնահատվել է արժավույնս միայն այս տարի:
Տեսահոլովակի սյուժեի համաձայն՝ փոքրիկ աղջիկը, որը զբոսնում է տոնական զարդարված քաղաքում ծնողների հետ, ինչ-որ ժամանակով կորչում է կախարդական աշխարհում, որը թաքնված է խանութներից մեկի ցուցափեղկում: Այնտեղ նա հանդիպում է ամանորյա պատմության ավանդական հերոսների հետ:
Իսկ այդ հեքիաթային աշխարհն աղջկան տանում է ինքը՝ Մըրայա Քերրին, որն էկրաներին հայտնվում է Սանտա Քլաուսի, տոնական-զինվորական հագուստով, նաև՝ կանացի գեղեցիկ զգեստով:
Բացի այդ, երգչուհին որոշել է վերաթողարկել նաև «Merry Christmas» ալբոմը՝ բացի օրիգինալ երգերից այնտեղ ներառելով նաև ռեմիքսներ: