«Բանոֆի փայ»-ը դրախտային վայելք աղանդեր է։ Բուրավետ բանանները՝ եփած խտացրած կաթով և հարած սերուցքով, անմահական է։ Դասական տարբերակում հիմքն առանձին թխվում է, իսկ խտացրած կաթը նախ եփվում է 3 ժամ, ապա մի կողմ դրվում 3 ամսով՝ թեթև շաքարակալելու համար։ Սա հեշտացված տարբերակն է, որը կգերի բոլորին։
Անհրաժեշտ է
Թխվածքաբլիթ՝ 200 գ
Սերուցքային կարագ՝ 100 գ
Եփած խտացրած կաթ՝ 250-300 գ
Բանաններ՝ 3-4 հատ
Սերուցք 33%՝ 300-400 մլ
Վանիլին՝ 10 գ
Շոկոլադ՝ 10 գ
Պատրաստման եղանակը
Թխվածքաբլիթները մանրացնել բլենդերով կամ գրտնակով՝ ավելացնելով հալեցրած կարագը՝ սենյակային ջերմաստիճանի հասցրած։ Թխվածքաբլիթը տեղափոխել կաղապարի մեջ՝ տափակեցնելով հատակն ու կողքերը։ Դնել սառնարանը 15-20 րոպեով։ Հարել սերուցքը հարիչով՝ սկսելով դանդաղ և ավելացնելով արագությունը։ Ավելացնել վանիլինը։
Թխվածքաբլիթի հիմքի վրա եփած խտացրած կաթ քսել, վրայից շարել կտրատած բանանները, վրան էլ հարած սերուցքը։ Հանել հավաքովի կաղապարից և զարդարել քերած շոկոլադով։
