Երեկվա հրաշալի իրադարձությունը՝ ԱՄՆ Սենատի կողմից Հայոց Ցեղասպանությունը ճանաչելն ու դատապարտելը, բուռն արձագանք է ստացել ոճրագործ երկրում։
Թուրքիայի խորհրդարանի հայ պատգամավոր Գարո Փայլանը թվիթերյան իր էջում անդրադարձել է թեմային՝ նշելով, որ հայ ժողովրդի վերքերի բալասանն ԱՄՆ-ի Սենատի ընդունումը չէ, այլ Թուրքիայինը։
«ԱՄՆ Սենատը բոլոր կողմ ձայներով ընդունել է Հայոց Ցեղասպանությունը ճանաչող բանաձև։ Քանզի ոճրագործությունը մեր տարածաշրջանում չի քննարկվում ու չի վերահաստատվում արդարությունը, ապա այդ պատճառով դառնում է այլ երկրների խորհրդարանների քննարկման առարկա։ Բայց հայ ժողովրդի վերքերի բալասանը միայն մեկն է՝ Թուրքիայի խորհրդարանը, հենց այն խորհրդարանը, որի անդամն եմ ես»,- գրել է Փայլանը։
Հիրավի, Փայլանը ճշմարտությունն է ասում․ միակ տարբերակը, որ կգոհացնի հայերին թուրքերի ընդունումն է, իսկ հաջորդ քայլը՝ հողերի վերադարձն է։ Եթե այդ ամենը տեղի ունենա հայ ժողովուրդն ընդմիշտ կփակի ողբերգական էջը՝ նոր կյանք սկսելով։
