«Ֆլան» իսպանական տորթ-աղանդեր՝ առանց խմորի․ պարզապես հալչում է բերանի մեջ

Կարամելի ներքո նուրբ կրեմն իսպանական խոհանոցի «Ֆլան» աղանդերն է, որը ֆրանսիական խոհանոցում կոչվում է «Կրեմ-կարամել»։ Համն անմահական է, իսկ աղանդերը՝ նուրբ է և փափուկ: Այս հրաշք աղանդերը պատրաստվում է աներևակայելի արագ՝ ընդամենը 15 րոպեում, բայց ինչ-որ ժամանակով թողնել որպեսզի անկրկնելի համ ձեռք բերի:

Անհրաժեշտ է

Կաթ՝ 500 մլ

Խտացրած կաթ՝ 150 գ

Ձու՝ 5 հատ

Վանիլին՝ 10 գ

Աղ՝ 1 պտղունց

Կարամելի համար

Շաքարավազ՝ 60 գ

Ջուր՝ 1 ճ/գ

Լիմոնի աղ՝ 1 փոքր պտղունց

 

Պատրաստման եղանակը

Շաքարավազը, ջուրը և լիմոնի աղը միավորել, եփել միջին կրակի վրա՝ առանց խառնելու մինչև կդառնա մուգ դեղին։ Անընդհատ հետևել, որ շաքարավազը չվառվի, այլ դառնա կարամել: Կարամելը լցնել կաղապարների մեջ։ Կարելի է օգտագործել մեկ մեծ կամ մի քանի փոքր կաղապարներ: Կաղապարի հատակը և պատերը պետք է պատված լինի կարամելով: Ձվին ավելացնել վանիլին, մեկ պտղունց աղ և խտացրած կաթ։ Շատ լավ խառնել պատառաքաղով, լցնել կաթը։ Ողջ խառնուրդն անցկացնել մաղով, որպեսզի կրեմում չլինեն ոչ մի գնդիկներ:

Կաթնա-ձվային զանգվածը լցնել կաղապարի մեջ, այն դնել ավելի մեծ չափսի կաղապարի մեջ և այդ արանքը լցնել եռման ջուր: Ջրի մակարդակը պետք է հասնի մինչև կրեմ-կարամելի կաղապարի կեսը: Թխել 160 աստիճանի ներքո՝ 40-60 րոպե՝ կախված կաղապարի չափից։ Կրեմը փոքր կաղապարների մեջ ավելի արագ կթխվի, այդ պատճառով պետք է հետևել: Պատրաստի աղանդերը թողնել որ սառչի մինչ սենյակային ջերմաստիճան, հետո դնել սառնարանի մեջ՝ 8-12 ժամով, որպեսզի այն վերջնական համն ու տեսքը ձեռք բերի: Տաք դանակով անցնել կաղապարի ծայրով և շուռ տալ կաղապարը՝ աղանդերը դնելով մատուցամանի մեջ:

Рейтинг
( Пока оценок нет )
Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

error: Content is protected !!