Էստոնիայում կայացած կայծակնային շախմատի Եվրոպայի առաջնությունում ֆանտաստիկ արդյունք ցույց տվեց Զավեն Անդրիասյանը։ Մեր գրոսմայստերն ուժեղ գտնվեց գրեթե բոլոր իր մրցակիցներից և վերջնական աղյուսակում Զավենն առաջինից երրորդ տեղերը կիսեց ռուս մրցակիցների հետ՝ նվաճելով արծաթ: Չեմպիոնի պատվին արժանացավ Իգոր Լիսին։ Եվրոպայի նորընծա չեմպիոն Գաբրիել Սարգսյանը կայծակնայինում զբաղեցրեց 18-րդ տեղը։
Փառք ու պատիվ հայորդուն, որ նման կարևոր ստուգատեսին կարողացել է բարձր պահել մեր ազգի պատիվը ու փոխչեմպիոն հռչակվել։ Հպարտ ենք, որ նման որակի շախմատիստը հայ է ու հայ ազգի համար մեդալ է նվաճում միջազգային հարթակներում։
Հիասքանչ է իր գրանցած արդյունքը, շնորհակալ ենք, Զավեն։ Շնորհակալ ենք, Գաբրիել և Զավեն՝ ոսկե և արծաթե պարգևներ նվաճելու համար։
Այդ արդյունքն իրապես երջանկություն է մեր ազգի համար։ Հպարտ ու պարտական ենք այս հրաշք էմոցիաների համար ձեր պես հզոր շախմատիստներին։
