Դասական ֆրանսիական պիրոգ «Անտեսանելի», որը պարունակում է առավելագույն քանակությամբ միջուկ և շատ քիչ խմոր։ Ավելին, խմորը նուրբ է դառնում թխելուց հետո, իսկ վանիլային կրեմն այնքան համեղ է, որ ուղղակի հալչում է բերանում: Պիրոգը պատրաստվում է շատ հեշտ, բոլոր բաղադրիչները հասանելի են։ Այն հյութեղ է ստացվում, խոնավ և բուրավետ:
Անհրաժեշտ է
Խնձորն և տանձ՝ 800 գ (հաշվի առնել մաքրած մրգի քաշը, կարելի է օգտագործել կա՛մ միայն խնձոր, կա՛մ միայն տանձ)
Կաթ՝ 100 մլ
Հալեցրած սերուցքային կարագ՝ 30 գ
Ալյուր՝ 70 գ
Փխրեցուցիչ՝ 1 թ/գ
Ձու՝ 2 հատ
Շաքարավազ՝ 50 գ
Վանիլին՝ 10 գ
Աղ՝ 1 պտղունց
Վրան ցանելու համար
Ալյուր՝ 80 գ
Շաքարավազ՝ 30 գ
Վանիլին՝ 10 գ
Սերուցքային կարագ՝ 40 գ
Աղ՝ 1 պտղունց
Պատրաստման եղանակը
Ձուն հարել շաքարավազի, վանիլինի և աղի հետ, ավելացնել կաթ, սերուցքային կարագ, ալյուր և փխրեցուցիչ: Տանձերն ու խնձորները կեղևազրկել և մաքրել, կտրատել բարակ ձողիկների։ Այդ ձողնկները թաթախել խմորի մեջ, որպեսզի յուրաքանչյուր ձողիկ պատված լինի խմորով՝ բոլոր կողմերից:
Յուղված կաղապարի մեջ դնել թխելու թուղթը, վրան շարել մրգերը և մնացած խմորը լցնել վրայից: Թխել 30 րոպե՝ 180-190 ջերմաստիճանի ներքո: Վրեն ցանելու համար խառնել ալյուրը, շաքարավազը, վանիլինը, աղը, փշրել և ցանել պիրոգի վրա՝ շարունակելով թխել ևս 20 րոպե:
