Հեղինակավոր Cntraveler.com կայքը հրապարակել է 20 լավագույն երկրները՝ 2020-ին այցելելու համար։ Դրանց թվում է նաև Հայաստանը։ Հոդվածում հիանալի անդրադարձ է արվել ժամանցի վայրերին, ժամանակակից կառույցներին՝ չմոռացվելով նաև պատմական նշանակություն ունեցող արձանների մասին հիշատակումը և չքնաղ բնության ցուցադրությունը։
Խորհուրդ է տրվել անպայման այցելել Կասկաս, Հանրապետության հրապարակ, Ծիծեռնակաբերդ, ինչպես նաև Մաշտոցի պողոտայի և Ամիրյան փողոցի սրճարանները։ Պարբերականը գրում է, որ մեզ մոտ զբոսաշրջությունը հիմնված է եկեղեցական տուրիզմի վրա՝ նշելով, որ մեր հայրենիքում կան հրաշք եկեղեցիներ ու եկեղեցական համալիրներ, ինչպիսիք են Էջմիածնի մայր տաճարը, Գառնի-Գեղարդը, Նորավանքը, Խոր Վիրապը։
Բնության գեղեցկությունը խորհուրդ է տրվում վայելել Սևան և Դիլիջան ազգային պարկերում։
Հայաստանից զատ, լավագույնների թվում ընդգրկվել են նաև Ֆրանսիան, Բրազիլիան, Ճապոնիան, Բոթսվանան, Սլովենիան, Կանադան, Ավստրալիան, Իսպանիան, Դուբայը, Դանիան, Արգենտինան, Դոմինիկյան Հանրապետությունը, Հարավային Կորեան, Գայանան, ԱՄՆ-ն, Շրի Լանկան, Ռուանդան և Մարոկկոն:
