Դդմով այս հիասքանչ ջեռեփուկը հաստատ կհավանեք։ Իրապես հրաշք է՝ անսովոր համով, որն անգամ կհավանեն դդում չսիրողները։
Պատրաստման եղանակը
Դդումն ու կարտոֆիլը եփել սոխով, սխտորով, դափնու տերևով, սև պղպեղով, աղով: Ջուրը թափել և հանել սոխը, սխտորը և համեմունքները:
Դդումն ու կարտոֆիլը պյուրեի վերածել՝ պյուրեի վերածող սարքով: Տապակել սոխն ու սխտորը՝ հավելելով ֆարշը և ևս 2 րոպե տապակել: Միավորել գազարի, եգիպտացորենի, կանաչ ոլոռի, սոյայի սոուսի, կետչուպի, համեմի սերմի, ալյուրի հետ, սև պղպեղ և աղ անել: Խառնել և շոգեխաշել 5 րոպե: Ջեռոցի կաղապարի մեջ լցնել ֆարշը, վրան՝ կարտոֆիլա-դդմային պյուրեն և թխել 200 աստիճանի ներքո՝ 20 րոպե:
Ստացված ջեռեփուկը յուրահատուկ հմայք ունի՝ կարծես մուշտակ լինի դդմի պյուրեն։ Այն հարմար է նույնիսկ տոնական սեղանի համար։
