Հայաստանյան եղանակի գիտակ Գագիկ Սուրենյանը հայտնել է՝ ինչպիսի դեկտեմբեր է սպասվում։ Նա նշել է, որ դեկտեմբերը սովորականից տաք կլինի և մեր հրաշք երկրի ողջ տարածքում միջին ջերմաստիճանը 1-2 աստիճան բարձր կլինի, բայց շատ տեղումնառատ։ Արդեն դեկտեմբերի 1-ին և 2-ին մեր հայրենիք է գալու Միջերկրական ծովից եկող ցիկլոնը։ Մեր երկրի մեծ մասում տեղումներ կգան։ Հայաստանի լեռնային շրջաններում ձյուն կլինի, նախալեռնային և հովտային շրջաններում էլ՝ անձրև։
Սուրենյանը նաև հակադարձել է բոլոր մեկնաբանողներին՝ նշելով՝ եթե ասում է, որ դեկտեմբերը տաք է լինելու, չի նշանալում ամբողջ ամսվա ընթացքում ցուրտ օրեր չեն լինի։
Դա նշանակում է, որ հիմնականում տաք է լինելու, բայց նաև ցուրտ օրեր կլինեն, երբ արկտիկական ցուրտ օդեր կգան։
Ինչևէ, Սուրենյանի՝ այսօրվա կանխատեսումը շատերին է ուրախացրել։ Մեկնաբանություններում շատ է ուրախությունը և գոհունակությունը։
