Ամենահամեղ մսային պիրոգը, որ երբևէ կփորձեք ձեր կյանքի ընթացքում։ Իր բաղադրիչներով պիրոգը հիշեցնում է «Չիզբուրգեր»․ միջուկը ստացվում է շատ հյութեղ, իսկ խմորը փափուկ և փխրուն:
Չիզբուրգերի համար անհրաժեշտ է՝
Խմոր
Ջուր կամ կաթ՝ 200 մլ
Շաքարավազ՝ 2 թ/գ
Աղ՝ 1 թ/գ
Չոր խմորիչ՝ 5 գ
Ձու՝ 1 հատ
Արևածաղկի յուղ՝ 40 գ
Ալյուր՝ 450-460 գ
Միջուկ
Տավարի ֆարշ՝ 600 գ
Սոխ՝ 1 հատ
Մարինացված վարունգ՝ 2-3 հատ
Պանիր՝ 100 գրան
Կետչուպ՝ 150 գրամ
Վրան քսելու համար
Դեղնուց՝ 1 հատ
Կաթ՝ 1 ճ/գ
Քունջութ 1 բուռ
Պատրաստման եղանակը
Խմորիչով խմոր պատրաստելու համար խմորիչը բացել գոլ ջրում, ավելացնել շաքարավազը և մի փոքր ջուր։ Սպասել 5-10 րոպե՝ մինչ փրփուր կառաջանա և շարունակել խմոր պատրաստել: Ավելացնել աղ, ձու, արևածաղկի յուղ և ալյուր՝ կպչուն խմոր հունցելով։ Ալյուրի չափը կարող է բոլորի մոտ տարբեր լինել։ Նայելով խմորին՝ կհասկանաք՝ որքան վերցնել ալյուր։
Խմորից գունդ պատրաստել, փակել սննդային թաղանթով և թողնել տաք տեղը՝ մինչև 2 անգամ կմեծանա, այսինքն 40-90 րոպեյով: Միջուկի համար տապակել ֆարշը՝ 10-12 րոպե, որ դրանից դուրս գա հեղուկը, աղ և բիբար անել: Միավորել կտրատած վարունգը, սոխը և քերած պանիրը: Խմորը կիսել 3 մասի․ 2 մասից գրտնակել կաղապարի չափսով շերտ։
Կաղապարը յուղել և մեջը դնել խմորը: Վրան դնել խմորի 1/3 մնացած մասը՝ գրտնակած վիճակում, և փակել միջուկով խմորը: Ծածկել սրբիչով և թողնել պիրոգը 10-15 րոպե: Պիրոգի վերևի հատվածը քսել դեղնուց՝ կաթով, և ցանել քունջութ։ Թխել 40 րոպե՝ 180 աստիճանով: