Հայտնի երգիչներ Արմինկան և Սարոն նոր տեսահոլովակ են ներկայացրել՝ «Սեր է ծնվել»։ Զգացմունքային, նուրբ ու ոճային տեսահոլովակի ռեժիսորն է Արթուր Մանուկյանը, երաժշտությունը՝ Արման Ղազարյանի, խոսքերը՝ Ավետ Բարսեղյանի։
Տեսահոլովակը գերում է առաջին իսկ պահից։ Արմինկան անչափ ոճային է, հմայիչ ու նուրբ, իսկ Սարոն իսկական ջենթլմեն։
Երկրպագուները շատ են հավանել տեսահոլովակը, որն արդեն ավելի քան հարյուր հազար դիտում է հավաքել։
Երկրպագուներին ոգեշնչել է երգը, բոլորի մեկնաբանություններում երևում է սիրո կրակը․ «Կյանքը արդեն իսկ սեր է․․․ Սիրեք կրքոտ, տարբերվող սիրով, օրինակ ծառայող սիրով․․․ Սեր արարենք աշխարհում․․․ Ես վարակվել եմ այդ տարբերվող սիրով․․․», «Շատ լավնա թե՛ երգը, թե՛ կատարումը, թե՛ տեսահոլովակը։ Բրավո», «Հոյակապ է գեղեցիկ կատարում», «Աստված պահապան բոլոր սիրահար զույգերին», «Եթե երկու սիրուց մեկ սեր է ծնվում,դա արդեն մի ուրիշ տեսակ սեր է»։
