Երբ խոսքը գնում է գեղեցկության մրցույթների մասին, շատերը պատկերացնում են նրբակազմ կանանց։ Բայց գոյություն ունեն նաև տղամարդկանց գեղեցկության մրցույթներ։ Դրանցից ամենահայտնին կոչվում է «Mister Global», որը, ավանդույթի համաձայն, անց է կացվում Թաիլանդում։ Արդեն 5 տարի է՝ այն աշխարհի բոլոր անկյուններից հավաքում է արական սեռի հմայիչ ներկայացուցիչներին։ Այս տարի մրցույթին մասնակցել է մոտ 40 երկրի ներկայացուցիչ։ Աշխարհի ամենագեղեցիկ տղամարդ է ճանաչվել Հարավային Կորեայի մոդել Չոն Վու Քիմը։
2020 թվականի ընթացքում նա զբաղվելու է բարեգործությամբ, այցելելու է տարբեր միջոցառումների, հանդիպելու է աշխարհի տարբեր մարդկանց հետ և իր օրինակով ոգեշնչելու է մյուսներին։ Մրցույթի փուլերից մեկն ազգային հագուստով ֆոտոսեսիան է, որի միջոցով մասնակիցները ցուցադրում են իրենց երկրի մշակույթը։ Ներկայացնում ենք ամենահետաքրքիր կերպարները՝ առնական և հմայիչ տղամարդկանց մարմնավորմամբ։ Իրոք որ արժե տեսնել այս յուրահատուկ տղամարդկանց, որոնք համարվում են տղամարդու գեղեցկության չափանիշներ։