Հայազգի հայտնի երգչուհի, «Եվրատեսիլ» երգի մրցույթին Հայաստանը ներկայացրած Եվա Ռիվասն անճանաչելի է դարձել։ Նա մարզասրահից լուսանկար է հրապարակել՝ կարճ գանգուր մազերով, հիանալի կազմվածքով և առանց շպարի։
«Հոկտեմբերի 9-ին ուղիղ մեկ տարի է, ինչ առողջ ապրելակերպ եմ վարում՝ իսպառ վերացնելով վատ սովորությունները և այն ամենը, ինչը կարող է վնասել օրգանիզմիս։ Սա ուղղակի ցանկություն չէ, այլ նպատակ, հոգու և կյանքի փոփոխություն, իսկական սեր՝ ինքս իմ հանդեպ՝ 32 տարվա մեջ առաջին անգամ։ Մարմինս, իհարկե, շնորհակալ է ինձ նման սիրո և նիհարեցման նախագծին մասնակցելու համար։ Ֆանտաստիկ է ամեն ինչ, շնորհակալ եմ»,- գրել է երգչուհին՝ տեղադրելով նիհարելու արդյունքը վկայող լուսանկար։
Ի դեպ, օրերս Ռիվասը պատմել է՝ ուր էր անհայտացել կես տարով։ Պարզվում է՝ նա մաշկային հիվանդություն է ունեցել, ինչի պատճառով նախընտրել է չերևալ հանրության առաջ, չի աշխատել և միշտ դիմակով է դուրս եկել տնից։ Հիմա նա առողջացել է, և ամեն ինչ նորմալ է։
