Դդմիկն առօրյայում հաճախ օգտագործվող բանջարեղեններից մեկն է։ Այս հիանալի իտալական բաղադրատոմսով տապակած դդմիկն իսկակակն ֆրի է հիշեցնում՝ խրթխրթան և հյութեղ։ Երեխաները հաստատ շատ կհավանեն այս ֆրի հիշեցնող ձողիկները, ի տարբերություն կարտոֆիլի ֆրիի, քիչ կալորիաներ են պարունակում։
Պատրաստման եղանակը
Դդմիկները մասնատել ձողիկներով։ Առանձին խառնել պանիրը, պաքսիմատը և աղը։ Ուրիշ ամանի մեջ հարել ձուն։ Դդմիկի ձողիկները թաթախել ձվային զանգվածի մեջ, ապա՝ պաքսիմատա-պանրայինի։ 3 րոպեի չափով հատ-հատ տապակել ձիթապտղի յուղի մեջ, հանել թղթե սրբիչի վրա՝ յուղը քամելու նպատակով։ Դասավորել մատուցամանի մեջ, քերած պանիր պատել վրան և մատուցել։
