Կաղամբն առօրյա սննդի մեջ հաճախ օգտագործվող բաղադրիչ է, որը հոգնեցնում է, եթե ամեն անգամ չմտածել պատրաստման նոր տարբերակներ։ Եփած և տապակած կաղամբը հաճախ է հանդիպում բաղադրատոմսերում, իսկ ինչ կասեք ջեռոցի մեջ թխածի մասին, այն էլ խառնուրդ՝ ծաղկակաղամբի և բրոկկոլիի։ Անպայման փորձեք յուրահատուկ ուտեստը՝ հասարակ, բայց անսովոր համով։ Հավանաբար այն դուր կգա նաև ձեր երեխաներին, ովքեր չեն սիրում բանջարեղենային օգտակար սնունդը։
Անհրաժեշտ բաղադրիչներ
1 փոքր գլուխ ծաղկակաղամբ` մասնատած
2 խոշոր բրոկկոլի՝ մասնատած
1 պճեղ սխտոր՝ ճզմած
2 ճաշի գդալ ձիթապտղի յուղ
1/2 թեյի գդալ աղ
Պատրաստման եղանակը
Ծաղկակաղամբը և բրոկկոլին տեղափոխել ջեռոցի կաղապարի մեջ, ցողել ձիթայուղով և լավ խառնել, համեմել աղով։ Փակել կաղապարը և եփել ջեռոցում կես ժամ։ Հանել կափարիչը, նորից խառնել և եփել ևս 30-40 րոպե՝ մինչ բանջարեղենը կդառնա փափուկ և մի փոքր շականակագույն։ Հանել և մատուցել տաք վիճակում։
