Հանրահայտ ու շատերին սիրելի դարձած դերասանուհի Անի Երանյանը նշում է ծննդյան երեսունմեկ տարին։ Անին ծնունդով Երևանից է։
Սովորել է մայրաքաղաքի թիվ 44 միջնակարգ դպրոցում, իսկ բարձրագույն կրթությունը ստացել է Թատերական ինստիտուտում։
Ստանալով դերասանի մասնագիտություն՝ Անին շարունակաբար ինքնակատարելագործվել է՝ բավականին երիտասարդ տարիքում դառնալով ամենից հայտնի, սիրված ու պահանջված դերասանուհիներից մեկը։
Անին իր տարբեր հարցազրույցների ժամանակ խոսել է իր վառ ու գունագեղ մանկությունից, սակայն չի թաքցրել նաև, որ ծնողներն ամուսնալուծված են։
Ներկայումս արտիստուհին շատ հաճախ է ճամփորդում։ Մասնագիտության և ստանձնած դերերի առիթով լինում է Հայաստանում։
Երբեմն ժամանակավոր տեղափոխվում է Ռուսաստան՝ հայրիկի մոտ, իսկ ներկայումս գտնվում է Ամերիկայում, որտեղից ոճային լուսանկարներ է տեղադրում։
Անիի անձնական կյանքի մասին ժամանակին բավականին լայն քննարկումներ էին ծավալվում, սակայն արտիտուհին այժմ սկզբունքորեն այլևս ոչինչ չի բարձրաձայնում, ուստի չկան նաև խոսակցություններ այդ թեմայով։
