Ուկրաինայի հանրահայտ իրադարձությունների պատճառով շատ այլազգիների նման հայերը ևս հայտնվել են ծանր վիճակում և առկա է նրանց տեղափոխության հավանականությունը։
Այս հանգամանքը հաշվի առնելով՝ Արտգործնախարարությունը արդեն իսկ հանդես է եկել հատուկ հայտարարությամբ՝ խրախուսելով հայազգիների վերադարձը հայրենիք։ Այս մասին իր հարթակում Թագուհի Մելքոնյանը գրում է․
«Հույս ունեմ՝ ռուս-ուկրաինական պատերազմի հետեւանքով փախստական դարձած մեր հայրենակիցները հիմա էլ իրենց բախտը չեն փորձի եվրոպաներում` ապաստանելով Լեհաստանում կամ Սլովակիայում, այլ կվերադառնան Հայաստան։
Իսկ մեր կառավարությունը, չնայած երկրի առջև ծառացած անվտանգային ու սոցիալ-տնտեսական խնդիրներին, կաջակցի մերոնց հայրենիքում հաստատվելու հարցում։
Նաև հույս ունեմ, որ կոնֆլիկտների հետեւանքով վերջին տասնամյակում Հայաստան վերադարձած շատ իրաքահայերի, սիրիահայերի և լիբանանահայերի օրինակով, ուկրաինահայերը ևս Հայաստանը չեն դիտարկի, որպես տարանցիկ երկիր ԱՄՆ կամ Կանադա հասնելու համար։
Հայրենիքը մեկն է և բոլորիս կարիքն ունի»,- իր գրառումը եզրափակում է Թագուհի Մելքոնյանը։
