Օրերս կայացած Սևակ Ամրոյանի հարսանեկան երեկոն միավորել է շատ հայ հայտնի դեմքերին, ովքեր օգտագործել են առիթը և լավ երեկո անցկացրել միասին։ Շատերն են հանրահայտ դեմքերից ներկա եղել Սևակի հարսանեկան արարողությանը։
Ոմանք հարսանեկան երեկոյից իրենց լուսանկարներն են տեղադրել իրենց սոցհարթակներում՝ նաև այդ եղանակով երջանկություն մաղթելով նորապսակներին՝ Քրիստինեին և Սևակին։
Հարսանեկան երեկոյից լուսանկաներ են տեղադրել հայտնի երգչուհիներ Նունե Եսայանը և Մոնիկա Նազարյանը։ Նունե Եսայանը հարսանեկան արարողությանը նուրբ կերպարով է ներկայացել։ Նա տեղադրել է միայն իր լուսանկարը՝ շնորհավորելով Սևակին։
Մոնիկա Նազարյանը հարսանեկան արարողությանը ներկա է եղել իր ամուսնու հետ միասին։ Նրանք լուսանկարվել են փեսացուի հետ։ Մոնիկան հենց այդ լուսանկարն է տեղադրել իր սոցհարթակում՝ այդպես շնորհավորելով Սևակին։
Լուսանկարներից հայտնի է նաև, որ հարսանեկան երեկոյին մասնակցել են նաև Սրբուկն ու Սոնա Ռուբենյանը։ Վերջինս նոր է վերադարձել Ֆրանսիայից, որտեղ մեկնել էր ամուսնու հետ՝ ամուսնական ճամփորդության։
