Սևակ Ամրոյանը, որ համարվում էր ամենացանկալի փեսացուներից մեկը, նախորդ տարի ընտանիք կազմեց Քրիստինայի հետ։ Այս օրերին զույգն իր առաջնեկ բալիկին է սպասում։ Արդեն ավելի քան մեկ տարի միասին ընտանեկան կյանքով ապրող ամուսինները բավականին ջերմ հարաբերություններ ունեն։
Քրիստինան Սևակին ուղեկցում է ճամփորդությունների ժամանակ։ Հաճախ է նրա կողքին լինում, Սևակն էլ իր հերթին փորձում է հաճելի անակնկալներով ուրախացնել ու երջանկացնել Քրիստինային։ Երկուսն էլ պարբերաբար պատմում են միմյանց հետ կապված հաճելի դրվագների մասին։
Քրիստինան լավ հարաբերություններ ունի նաև ամուսնու մայրիկի հետ։ Նա այդ մասին պատմող հրապարակումներ ևս անում է։ Քրիստինայի հերթական հրապարակումը տոնական է։ Նա ցուցադրել է զարդարված տոնածառ՝ նշելով, որ այն զարդարել է սկեսուրը։
Քրիստինան նաև հավելել է, որ սկեսուրն այդ տոնածառը միայնակ՝ առանց հարսի օգնության է զարդարել։ Սա չի խանգարել, որ Քրիստինան հրապարակայնորեն հիանա սկեսուրի զարդարած տոնածառով։
