Հանրահայտ դերասան Հովհաննես Ազոյանը ամիսներ առաջ սոցցանցային հրապարակմամբ ակնարկել էր այն մասին, որ ինքն ունի սիրելի մարդ, որից շուտով պատրաստվում է բալիկ ունենալ։ Դերասանի սիրելին Հասմիկ Հովսեփյանն է։
Այսօր արդեն լույս աշխարհ է եկել դերասանի և Հասմիկի սպասված բալիկը։ Երեխան տղա է։ Ծնողները փոքրիկին բավականին հետաքրքիր անուն են տվել․ նրան Արամ Լուի են անվանակոչել։
Այս ուրախալի առիթով Հովհաննեսը մի կարճատև, բայց էմոցիոնալ տեսանյութ է տեղադրել, որտեղ երևում է, թե ինչպես են նրա ընկերներն արձագանքում այդ ուրախալի նորությանը։ Ընկերները ծափահարում է փոքրիկ Արամ Լուիի լույս աշխարհ գալու համար, իսկ այդ պահը նկարահանող Հովհաննեսը ծիծաղում է։
Դերասանի այս հրապարակման ներքո տեղ են գտել աչքալուսանքի և շնորհավորանքների բազմաթիվ մեկնաբանություններ, բարեմաղթանքներ, որոնց միանում ենք նաև մենք։ Իսկ Հովհաննես Ազոյանի տեղադրած կարճատև տեսանյութը ներկայացնում ենք վարը կցված նյութի մեջ։
