Կոլումբացի արտիստուհի Մարիա Հելենա Դյորինգը հայ և համաշխարհային հանրությանը հայտնի է առավելաբար հեռուստասերիալներում իր դերակատարումների շնորհիվ։
Դերասանուհին հատկապես հանրահռչակվեց ու սիրվեց «Բլանկոյի այրին» հեռուստասերիալում կերտած իր գլխավոր դերի շնորհիվ։ Մարիան շուտով կդառնա հիսունինը տարեկան, սակայն նա այսօր էլ շարունակում է պահել իր երիտասարդական հմայքն ու գեղեցկությունը։
Մարիայի հայրը կիսով չափ գերմանացի է, կիսով չափ բոլիվիացի, իսկ մայրը կոմումբիացի է։ Մարիան սովորել է Կոլումբիայում, Լոնդոնում ու Իտալիայում և շատ լավ տիրապետում է ֆրանսերենին, անգլերենին, իտալերենին և իսպաներենին:
Որպես դերասանուհի՝ Մարիան իր կարիերան սկսել է տասներեք տարեկանից՝ նկարահանվելով ատամի մածուկի և այլնի գովազդային հոլովակներում։
Դերասանությանը զուգահեռ Մարիան զբաղվում է նաև մոդելային գործունեությամբ։ Նա նաև շատ լավ երգում է։ Մարիան այսօր էլ շարունակում է հանդես գալ ֆիլմերում։
Բոլորովին վերջերս նա նկարահանվել է «Ժոզեֆա» վերնագրով ֆիլմում, որի համար իր սոցհարթակում շնորհակալություն է հայտնել ֆիլմի ռեժիսորին։
