Դերասանուհի Մարիամ Ալեքսանյանը բավականին բարդ շրջան էր հաղթահարում վերջերս: Նրա եղբայրը մեր այն ժամկետային զինծառայող է, ում զինծառայության շրջանը համընկել է արցախյան վերջին չարաբաստիկ պատերազմի հետ:
Մարիամը երբեմն եղբոր մասին պատմող հրապարակումներ էր անում, երբեմն էլ իր էմոցիաների, սպասումների և տագնապների մասին էր պատմում:
Մարիամի երկրպագուները և նրա գործունեությամբ հետաքրքրվողները ուշի ուշով հետևում են Մարիամի գրառումներին ու հրապարակումներին: Վերջերս դերասանուհուն նրա ինստագրամյան հարթակում հարցրել են, թե արդյոք նա դեռևս Գոռ Համբարձումյանի հետ հարաբերությունների մե՞ջ է:
Հիշեցնենք, որ Մարիամն իր ու Գոռի նշանադրության լուսանկարներն էր հրապարակել: Իր և սիրելիի համատեղ լուսանկարները հրապարակելուց միառժամանակ անց Մարիամը դադարեցրել էր նոր լուսանկարների հրապարակումը՝ հեռացնելով նաև հրապարակվածները:
Իրենց հարաբերությունների մասին հարցին Մարիամը բացասական պատասխան է տվել՝ խորհուրդ տալով իր հետևորդներին՝ չսպասել ոչ մեկին, ընկնելիս վեր կենալ, այլ ոչ թե տապալվել իր պես:
