Այսօր պատմական ու նշանավոր օր է Հայաստանի և Արցախի պատմության համար։ Առավոտից պետական բարձր պաշտոններ զբաղեցնող այրերը շնորհավորական ուղերձներով են հանդես եկել։ Երևանում տեղի է ունեցել հակաիշխանական հավաք։
Մինչ Հայաստանում իշխանության հրապարականի պահանջով ցույցեր են ընթանում, Արցախում մարդիկ երթ են կազմակերպել՝ նշանավորելու օրվա խորհուրդը։ Նրանք հարգանքի տուրք են մատուցել արցախյան պաշտպանության համար նшհատակված հայ քաջերի հիշատակը խորհրդանշող հուշակոթողի առաջ, հնչեցրել են տերունական աղոթքը։
Երթի ժամանակ արցախցիները պաստառներ են տարել իրենց հետ, որոնց վրա գրված է եղել Միացում և այլ կարգախոսներ։ Արցախի նախագահը, այսօրվա երթի մասին պատմող փոքրիկ տեսանյութ հրապարակելով, իր սոցհարթակում գրել է հետևյալը․
«Մեր ներուժն ու էներգիան պետք է ծառայեցվի Արցախի նոր վերածննդին՝ Արցախյան շարժման արժեքաբանության հիման վրա»: Արայիկ Հարությունյանի տեղադրած կարճատև, բայց շատ ազդեցիկ տեսանյութը կարող եք դիտել ստորև բերված նյութի մեջ։
