Հայկական թեմատիկայով առաջին ֆիլմերը ստեղծվել են 1912 թվականին եգիպտական մայրաքաղաքում՝ Կահիրեում։ Հեղինակը Վահան Զարդարյանն էր։ Հայկական կինեմատոգրաֆիայի առաջին կինոկադրերը օպերատոր Դիգմելևի կողմից 1911 թվականին Ս. Էջմիածնում արված կադրերն են։
Այդ բացառիկ նկարահանումների կադրերում տեղ են գտել Ամենայն Հայոց Կաթողիկոսի Մատթեոս Երկրորդի թաղման թափորը ներկայացնող տեսարաններ։ Դրանք համարվել են կորած և հայտնաբերվել են 2013 թվականին վավերագրողներ Ս. և Թ. Մաթոսյանների կողմից։
Հայկական կինոյի գլխավոր առանձնահատկություններից է հայկական կինոսփյուռքի առկայությունը ԱՄՆ-ում, Ռուսաստանում, Ֆրանսիայում․ հայ պրոդյուսերները, կինոդեմքերն ու արտիստները մեծ ժողովրդականություն են վայելում։ Այստեղ հարկ է նշել ԱՄՆ-ում գտնվող Քըրք Քըրքորյանի, Քարդաշյանների և այլոց մասին։
Այսպիսով՝ սփյուռքահայերն են հիմնականում համաշխարհային կինոդեմքերը, ովքեր մեծ համբավ ու ճանաչում են ձեռք բերել արտերկրում, ինչպես նաև ունեցել են հարուստ փորձ այս ոլորտում։ Նրանք էլ իրենց հերթին նպաստել են Հայաստանում ժամանակակից կինոարտադրության ստեղծմանը և զարգացմանը՝ «Ոսկե ծիրան» փառատոնին և այլն։ Հայ համաշխարհային կինոդեմքերի մասին՝ կիցված նյութում։
