Հայաստանյան ներկայիս զարգացումների դժվարին լինելը թերևս շատերին գցել է ծայրահեղ մտորումների գիրկը՝ նրանց սին ու անհիմն հույսեր ներշնչելով։ Օրինակներից մեկը Էրդողանի առողջական վատթար վիճակի լրատվության խանդավառված ընդունելն էր։
Այս լուրն այնքան էր ոգևորել ոմանց, որ ի հայտ եկան սթափության կոչերով լեցուն հրապարակումներ, որոնցում քննվում է հարևան երկրի ղեկավարի առողջական վիճակով պայմանավորված հայաստանյան հետագա զարգացումները։
Այս համատեքստում ոստիկաններից մեկի՝ Մնացական Բիչախչյանի հրապարակումը օբյեկտիվ դատելու և գործ անելու մասին է։ Նա մասնավորապես գրել է հետևյալը․ «Ամեն անգամ ինչ-որ կետի եք նայում, որ իրականանա ու վերջ մի լույս բացվի:
Շնչներդ պահած սպասում եք, թե Էրդողանը մեռնի: է հա, դա հավերժ չէ, էսօր չէ, վաղը չէ, մի օր պտի մեռնի: Որ ինչ, դրանց պետությունը մենակ էդ մեկի հույսին է՞ր, էլ մարդ չկա, որ կարա իրանից վայրենի լինի: Գործ արեք, գործ, հերիք երազախաբ լինեք»
