Սուրմալուի ողբերգական դեպքի մասին շարունակվում են հուզական խոսակցությունները, ու հավանաբար դեռ երկար կշարունակվեն, քանի որ դրանք ցավալի ու աննախադեպ էին։
Չնայած փրկարարների հասցեին հնչող քննադատական վերաբերմունքին և խոսակցություններին, շատերն են պնդում, որ այդ օրերին նրանք փայլուն աշխատանք ցուցաբերեցին։
Հենց ողբերգական միջադեպից անմիջապես հետո 43 ժամերի ընթացքում փրկարար ծառայողները փլվածքների տակից կարողացել են դուրս բերել 26 քաղաքացու, որոնցից տասը ողջ է եղել, իսկ տասնվեցը՝ մահացած։
Որոնողական աշխատանքները դադարեցվել են ու քաղաքացիներից մեկն այդպես էլ չի գտնվել։ Նրա գտնվելու հավանականությունը բացակայում է։
Փրկարարների համար այդ դեպքը աննախադեպ էր բոլոր առումներով։ Փրկարարներից մեկը՝ Ավետիսյան Կարենը, հիշում է, որ այդ օրերին աշխատաել է մինչև ուշ գիշեր։
Նա քիչ հանգստանալուց հետո հաջորդ օրը շարունակված աշխատանքներին նորից է միացել։ Նրա համար առանձնապես ծանր է եղել, երբ չորս կրպակների մոտ գտնվող նկողի աստիճանների վրա գտել են երկու քույրերին, Մարատին և խանութի աշխատակին։
Նրանք փլուզումից էին տուժել, փլվածքի տակ էին մնացել, իսկ երեխայի հագուստն ընդհանրապես փոշոտված չի եղել։ Կարենի համար ամենածանր պահն է եղել։
