Հանրահայտ դերասանուհի Սաթենիկ Հազարյանը, ինչպես հայտնի է, երկու զավակների մայրիկ է։ Նա մի առիթով խոստովանել էր, որ իր ամուսինն իրենից հեռացել է, երբ նա իր երկրորդ բալիկին պետք է ունենար։
Սաթենիկը լույս աշխարհ է բերել բալիկին՝ նրան լիարժեք երջանկություն պարգևելու հաստատակամությամբ։ Այժմ փոքրիկ Լյուսին Սաթենիկի և նրա որդու ամենից սիրելի ու թանկ մարդն է, ումով նաև հպարտանում են։
Լյուսին արդեն հասցրել է հանդես գալ մի շարք ուշարժան ֆիլմերում։ Նա այս տարիքում արդեն իսկ անում է իր առաջին լուրջ քայլերը դեպի դերասանական ոլորտ։ Այսօր Լյուսիի ծննդյան տարեդարձն է։
Մայրը հուզիչ գրառում է արել իր սոցհարթակում՝ կցելով իրենց ջերմ լուսանկարները։ Սաթենիկը գրել է հետևյալը․ «Իմ կյանքի երկրորդ լույս, ինձ նոր կյանք ու նոր իմաստնություն տվող Լյուսի, շնորհավո՜ր ծնունդդ: Երջանիկ եմ, որ ծնվեցիր, ու որ ունեմ քեզ պես լուսե Լյուսի:
Թո´ղ քո ճանապարհը միշտ հարթ լինի, թո´ղ Աստծո հրեշտակները միշտ այդ ճանապարհին ուղեկցեն քեզ, իսկ կյանքի փոքրիկ խոչընդոտներում ու քարքարոտ մասերում ես ու եղբայրդ միշտ կբռնենք քո ձեռքն ամուր ու կլինենք կողքիդ: Շնորհակալ եմ Աստծուն, որ ունեմ քեզ»:
