Մհերը այսօր առավոտյան նորից եթեր է միացրել՝ իր գորիսյան քայլերթի մասին պատմելով։ Նա ցուցադրել է իր շրջակայքը՝ հիանալով տեղի բնաշխարհի գեղեցկությամբ ու աշնանային գույներով։
Մհերի միացրած եթերից երևում է, որ նա Գորիսում է գտնվում և այնտեղ ձնախառն անձրևէ գալիս։ Նկատելի է եղանակի ցրտաշնչությունը, սակայն Մհերը վստահեցնում է, որ ինքը լավ է։
Մհերը քայլում է իր գաղափարակից ընկերներից մեկի՝ Ռոմանի հետ։ Նրանք վստահեցնում են, որ շատերն են խոստացել մոտ ապագայում միանալ իրենց։
Հիշեցնենք, որ Մհերի նպատակը Ն․ Փաշինյանի հրաժարականին հասնելն է, քանի որ միայն այդպես է հնարավոր համարում նոյեմբերի ինին Ադրբեջանի ղեկավարի հետ սպասվելիք հանդիպման չեղարկումը և հնարավոր փաստաթղթի ստորագրումը։
Մհերը նաև շնորհակալություն է հայտնել սյունեցիներից մի քանիսին, որ իրենց հետ են՝ տեղադրելով նրանց հանդիպման լուսանկարը։ Նկարում երևում է, որ Մհերին մի քանի այլ երիտասարդներ գիշերը հյուրասիրել են։
