Հայկոյիանսպասելի հեռանալուց հետո շատերի նման իր տարիների հիշողությամբ ու ափսոսանքի խոսքով կիսվեց նաև ԱԺ պատգամավորներից Թագուհի Թովմասյանը, ով գրել էր, որ իր հարազատ ու մտերիմ երգիչը երգել է նաև իր հարսանիքի ժամանակ։
Դրանից հետո հայտնվեց նաև այդ կատարումը։ Գեղեցիկ հիշողություններ ներկայացնող տեսանյութում երևում է, թե Թագուհին ինչպես է իր հարսանյաց տոնակատարության ժամանակ կատարում մեծարենցյան տողերով գրված «Կարմիր ծաղիկ մը» հանրահայտ երգը։
Երգի տողերը նախ հնչեցնում է Հայկոն, ապա նաև Թագուհին, ինչի արդյունքում հետաքրքիր աշխատանք է ստացվում։ Այստեղ պարզվում է նաև, որ Թագուհին ունի բավականին լավ երաժշտական տվյալներ։ Նա նաև շատ մտերիմ է Հայկոյի հետ, ինչը երևում է նրանց կատարումից։
Տեսանյութում երևում է նաև, որ Թագուհու ամուսինը անկյունում դիտում է իր կնոջ և Հայկոյի կատարումը։ Հայկոյի ու երեկոյի հարսնացուի՝ Թագուհու համատեղ ներկայացրած երգը կարող եք լսել ստորև բերված նյութի մեջ։
