Հղիության լուրն իմանալուց հետո Արուս Տիգրանյանը փորձում է պահել ինտրիգը և խաղում է իր հետևորդների նյարդերի հետ։ Նա խոստանում է բացահայտել առաջիկայում լույս աշխարհ եկող երեխայի սեռը, սակայն ամեն անգամ ձգձգում է դա։
Արուսը Նախ Գարի Պապոյանին էր ցույց տվել երեխայի սեռի մասին հայտնող թերթիկը, որը կարդալուց հետո Գարիկը շատ ջերմ էր արձագանքել։ Հետո հաղորդավարուհին իմիտացիա էր արել, որ փուչիկներով կազմակերպում է երեխայի սեռը բացահայտելու գործընթացը։
Փուչիկից Տիրամիսուի նրա նոր բիզնեսի մասին տեղեկություն էր դուրս եկել, որից հետո Արուսը հորդորել է գնել իր արտադրած տիրամիսուները, որոնց միջից կապույտ կամ վարդագույն ժապավեններ դուրս կգան՝ հուշելով երեխայի սեռը։
Միայն այս ամենից հետո է Արուսը մի տեսանյութ ցուցադրել, որտեղ երևում է, թե ինչպես է տեսակապի միջոցով ամուսնուն հայտնում, որ առաջիկայում աղջիկ են ունենալու։ Իսկ թե ինչպես է դրան արձագանքում ամուսինը, կարող եք դիտել ստորև կցված նյութի մեջ։
