Շատերը ափսոսալի արձագանքներով տեղեկացրեցին այն մասին, որ կյանքից հեռացել է տիկնիկագործ Սաֆարյան Արմենը։ Այս մասին Մարկ Գրիգորյանը գրել է․ «Արմեն Սաֆարյանը մահացել է. այլևս չկա այդ վառ, դրական, բարի, խելացի և գեղեցիկ մարդը։
Նա ճառագայթում էր, նրա ժպիտը վառվում էր, լուսավորում էր և, կարծես, կարող էր հալեցնել ցանկացած սառույց: Հավանաբար Արմենն ամենադրական մարդն էր Հայաստանում։ Արմեն Սաֆարյանը տիկնիկավար էր․ երկրի ամենահայտնիներից մեկը:
Ես շատ միայնակ կլինեմ առանց Արմենի, առանց նրա զարմանալի խարիզմայի։ Բայց ես դեռ ոչինչ: Առանց նրա երկիրը միայնակ կլինի, իսկ երեխաները կկորցնեն հրաշալի հեքիաթասացին, ամենաբարի պապիկին, որը նրանց համար հեքիաթներ է ստեղծել ու հեքիաթը վերածել անսովոր, լուսավոր ու գեղեցիկ մանկական իրականության։
Ես կարող եմ շատ բան գրել նրա մասին, չէ՞ որ մենք մանկուց ընկերներ ենք եղել։ Բայց ոչ հիմա․ հիմա խոսքեր չունեմ ընդհանրապես. վերջացել են: Այս լուսանկարում Արմենն է՝ Աշոտ Բաղդասարյանի քանդակագործական դիմանկարով, մյուսում Արմենը՝ իր տիկնիկներից մեկի հետ, որը նա ինձ նվիրել է իմ 60-ամյակի առթիվ։
