Ակտիվ երաժշտական գործունեությամբ աչքի ընկնող Արկադի Դումիկյանը նաև երեք զավակների հայրիկ է։ Արկադին անչափ նվիրված է իր ընտանիքին և շատ է սիրում բալիկներին։ Այս մասին կարելի է ենթադրել նաև՝ դատելով այն փաստից, որ Արկադիի ընտանիքի անդամներին կարելի է տեսնել նրա տեսահոլովակներում։
Արկադիի երգերի մեծ մասն էլ ընտանիքին են նվիրված։ Վերջերս Տիգրան Ասատրյանի հետ աշխույժ երաժշտական կատարում ներկայացրած երգիչը երգը կատարում է նաև իր երեխաների հետ մեքենա վարելիս։
Արկադին վարում է մեքենան ու երգում մեծ սիրով ընդունված «Հոպ, հոպ Ջիվանի» երգի իրենց ներկայացրած տարբերակը։ Երգչին ակտիվորեն ձայնակցում են նրա երեխաները, հատկապես դուստրերը, տղան բավականին փոքր է և միայն պարում է։
Արդյունքում ստացվում է բավականին հաճելի ու գեղեցիկ ընտանեկան կատարում, որի տեսանկարահանված տարբերակն էլ Արկադին իր սոցհարթակում է տեղադրել։ Տեսանյութը, որը բազմաթիվ դրական ու ջերմ արձագանքների է արժանացել, կարող եք դիտել վարը կցված նյութի մեջ։
