Հայտնի դերասանական զույգ Արաքսյայի և Անդրանիկի միասնության տասնհինգ տարի է լրանում այսօր։
Արաքսյան այդ առիթով ընտանեկան արխիվից շատ ջերմ ու հուզառատ կադրեր է տեղադրել, որոնց կից դերասանուհին գրել է հետևյալը․
«Ըհը, Google- ն ասում է,15 տարին ԱՊԱԿԵ հարսանիքն է, որը խորհրդանշում է ընտանեկան փոխհարաբերությունների պարզության ու մաքրության փաստը, երկու իրար սիրող սրտերի երջանկությունը։
Այդ օրվա առիթով սովորաբար միմյանց նվիրում են հախճապակե կամ ապակե սպասք։ Էդ վերջինն էլ ի գիտություն։
Իսկ ես ասում եմ շնորհակալություն կյանքին մեզ միասին քայլելու հնարավորության համար, միասին ապրելու կյանքի բոլոր եւ՛ հաճույքներն ու քաղցրությունը, եւ դժվարությունն ու խոչընդոտները:
Երկուսս էլ գերէմոցիոնալ մարդիկ ենք ու մեր եւ՛ ուրախությունը, եւ՛ տխրությունը հրավտանգ է լինում, բայց չէ, որ այդ կերպով ապրվում է մինչև վերջին կաթիլը։
Մենք հավատով լծվեցինք ԸՆՏԱՆԻՔ կառուցելու գաղափարին ու թող Աստված ուղեցույց լինի յուրաքանչյուր օրվա դրված պստիկ քայլին»։
