Գեղեցիկ ու ինքնատիպ ձայնով հայուհի Մոնիկա Նազարյանը շատ հաճախ է ճամփորդում։ Նա լինում է աշխարհի տարբեր վայրերում, ամենուր փորձում է ներկայացնել հայկականը, հայ մշակույթն ու երգը։
Մոնիկան իր նրբազգաց ու մեղեդասեր բնավորությամբ կարողանում է ոչ միայն ճիշտ ու բարձրաճաշակ ներկայացնել հայկականը, այլ նաև համագործակցության հետաքրքիր փորձեր անել։
Մոնիկան արտերկրում հանդիպում է ունեցել աշխարհահռչակ ու տաղանդաշատ երաժիշտ Մաեստրո Անուշիրավանի Ռոհանիի հետ։ Ռոհանին Իրանից է։ Նրան շատ հարազատ է հայկական երաժշտությունը։ Որտեղ հանդիպում են երաժիշտներն ու երաժշտասերները, այնտեղ չի կարող չհնչել բարձրաճաշակ երաժշտություն։
Մոնիկան Ռոհանիի հետ հայկական աշուղական, գուսանական գեղեցիկ երաժշտական ստեղծագործություններ է կատարել։ Մոնիկան ընտրել է մեղեդային գեղեցիկ ստեղծագործությունները, իսկ Ռոհանին նրան ձայնակցել է իր ակորդիոնի հնչյունների օգնությամբ։
Մոնկա Նազարյանի և Ռոհանիի գեղեցիկ դուետային կատարումը կարող եք վայելել ստորև կցված նյութի մեջ։
