Տարոն Գիվարգիզյանը մերօրյա անմահ հերոսներից է, ով գիտակցաբար ու անձնվիրական կերպով մղվեց հայրենիքի պաշտպանության սուրբ գործին՝ չխնայելով ամենաթանկը՝ կյանքը: Տարոնն այսօր կբոլորեր ծննդյան քսանհինգամյակը:
Մայրը՝ Լաուրա Սարգսյանը, հիշում է, թե որդին ինչքան անհանգիստ է եղել պատերազմի օրերին, ինչպիսի ապրումներ է ունեցել՝ մտովի շարունակ դիրքերում կանգնած տղաների կողքին լինելով: Ի վերջո նա բոլորից թաքուն մեկնել է Արցախ՝ թաքնվելով կամավորներին փոխադրող ավտոբուսում:
Նա թաքնվել է, քանի որ կասկածներ է ունեցել, թե իրեն տեսնելուն պես չեն թողնի մեկնել ճակատ: Նա այդպիսի մտահոգություն է ունեցել, քանի որ տարիներ առաջ զինծառայության մեջ պատահաբար վնասել է ոտքը, ինչի պատճառով նրան ազատել են ծառայությունից:
Մայրը հաջորդ օրն է միայն իմանում, թե որտեղ է տղան: Տարոնը հայրենիքին ծառայելու, հայրենիքին օգտակար լինելու ծարավ ուներ: Համացանցում հիթ է դարձել Տարոնի մասնակցությամբ խրոխտ տեսանյութը, որն արվել է դիրքերում:
Նկարահանված նյութը՝ կից:
